Cari Sendiri

Caritonyo Mak Taci abih balanjo di Pasa banto.

Kapulang ka naiak Bendi. Tajadilah tawar manawar jo kusia Bendi.

Mak Taci : "Kusia, pulang limo ribu yo ?"
Kusia Bendi : " Indak bisa Mak, sapuluah ribu selah ....!".

Mak Taci : " Indak lah..... limo ribu selah dih. Beko ambo agiah tau jalannyo bia capek sampai.

Kusia Bendi  : " Indak bisa do Mak... kalau sapuluah ribu bisalah .."

Mangka ati dek karano kusia Bendi indak namuah diajak kompromi, Mak Taci mangalah, duduklah inyo di ateh Bendi ......

Mak Taci (sambia mangutuak ) : " Bialah ambo bayia sapuluah ribu....maha bana mah !"

Di pajalanan ..

Kusia Bendi : "Ka ma jalannyo Mak ....?"
Mak Taci : ( Haniang sajo indak manjawek)

Kusia Bendi : " Mak.....di ma rumah Mak Taci ko ...???"

Mak Taci : (sambia manyugi) : "Kan alah ambo agiah tau cako ... Limo ribu ambo agiah  tau jalannyo.. karano waang mintak sapuluah ribu juo CARILAH SURANG ..!".