Salamaik datang di Unggeh Airlains...
Kapado inyiak, biyai, apak, amak, uda jo uni kasado-ee…
Panumpang nan disagani, kapatabang ko jenis Boiang, punyo pintu gadang duo buah, ciek di muko, ciek di balakang, tapi ado duo pintu tagageh di sampiang-sampiang…
Pintu tagageh tu jan dibukak-bukak, apolai didongkak, marasai awak kasadoe beko...
Kapatabang ko lai tamuek 180 urang, 2 urang piloik jo 5 urang awak kabin, alhamdulillah untuang lai urang kasado-ee…
Sabalun tabang, labiah rancak sado alah incek mato mahadok ka ambo untuak ka ditarangan caro mamakai ikek pinggang jo benen palampuang sacaro badagok jo santiang…
Kabek arek ikek pinggang nan di kurisi sampai tadanga bunyi badatiak, siap tu irik sampai tagok… jan arek-arek bana, tapanca lo kantuik tu beko…
Kursi nan basandakan tu tolong ditagak-an sangenek…
Ka malang ka tumbuah, mahambua meang kapatabang ko ka lauik, nan benen lah kami sadiokan ciek surang di bawah kurisi suranh-surang… jadi jan bacarabuik pulo yo…?
Masuak-an benen ka lihia, kabek tali di bawah-ee tu, hambuih jo perasaan malakik benen cako barangin…
Kok indak juo barangin, irik-an pipa ko kalua sampai benen barangin, abih tu benen lansuang maiduik an lampu sinyal…
Bilo la mahambua ka lauik indak juo kambang benen-ee, yo tapaso do’a nan dipabanyak lai…
Kok kurang angok, beko ado masker oksigen mahambua dari ateh pelapon ko bekoh untuak panambah-nambah angok… ciri-ciri-ee warno kuniang batali, ijan pulo barabuik… alah jaleh hetongan nyo tu, pasti dapek surang-surang…
Kapatabang ko bebas dari hape dan asok rokok… kok ka marokok atau main hape, rancak lah di lapau lai, bisa lo mangopi bagai…
Kok tasasak kajamban, WC lai kami sadiokan di balakang duo jo di muko ciek… kok dapek katiko kapatabang tanang kajambannyo daripado malantiang-lantiang pulo aie-ee bekoh… basilemak lo kapatabang ko, payah lo nan lain manutuik iduang beko…?
Kapatabang ko dibaok jo Pilot Kapten Iyal Sutan Sampono jo Kopilot nan baru mancubo kapatabang Herman Bandaro Sati…
Kalau ado nan kaliru atau nan kurang sanang, bacolah karateh panunjuak nan di muko kurisi surang-surang atau buliah turuik ambo ka balakang…
Benen jo karateh panunjuak jan dipindahan apolai sampai bacilok lo… beko ambo lapor ka Polisi buliah ditangkok jo dipanjaro...!
Salamo iko ambo naiak Kapatabang, alun ado nan batanyo lai…?
Itu se nyoh… batanang lah di ateh kapatabang ko yo…?
No comments:
Post a Comment